Жич: Гэр ахуйн бараа гэдэгт дараах нэр бүхий бараанууд хамаарна. 

1. Гэр ахуйн цахилгаан бараа
2. Гэр ахуй, албан тасалгааны тавилга
3. Компьютер, гар утас, камер гэх мэт төхөөрөмжүүд, бусад дагалдах хэрэгсэл
4. Автомашины сэлбэг хэрэгсэл
5. Унадаг дугуй, мопед

Зээл хүсэгчид тавигдах ерөнхий шаардлага:

1. Иргэн нь цалин, түүнтэй адилтгах орлого, бусад нэмэлт орлого болон бизнесийн орлогоороо зээл, зээлийн хүүг төлөх чадвартай байх;
2. Бэлтгэн нийлүүлэгчтэй бараа зээлээр худалдан авахаар харилцан тохиролцож барааны үнийн нэхэмжлэлийг авсан байх;
3. Зээл хүсэгчийн сард төлөх нийт зээл, хүүгийн төлбөрийн хэмжээ нь өрхийн сарын орлогын 80 хувиас хэтрэхгүй байх;
4. Бусад төрлийн хугацаа хэтэрсэн болон чанаргүй зээл, хүүгийн аливаа өр, төлбөргүй байх.

Бэлтгэн нийлүүлэгчид тавигдах шаардлага:

1. Тухайн бизнесийг 1 жилээс доошгүй хугацаанд эрхэлсэн туршлагатай;
2. Тухайн худалдан борлуулж буй бараа бүтээгдэхүүнд баталгаат засвар үйлчилгээ үзүүлэх чадвартай /Баталгаат засварын хугацаа 6 сараас доошгүй байх/;
3. Өөрийн нэрийн дэлгүүртэй эсвэл борлуулалтын цэгтэй;
4. Бэлтгэн нийлүүлэгч нь хэрэглээний лизингийн үйлчилгээний шимтгэлийг зээлийн дүнгээс банкны тогтоосон 1 хувиар төлөх боломжтой.

Зээл хүсэгчийн бүрдүүлэх материал:

1. Зээлийн өргөдөл;
2. Зээл хүсэгчийн анкет, 1% цээж зураг;
3. Цахим иргэний үнэмлэх /эх хувь эсвэл нотариатаар баталгаажуулсан хуулбар/;
4. Нийгмийн даатгалын дэвтэр /эх хувь эсвэл нотариатаар баталгаажуулсан хуулбар/;
5. Ажлын газрын тодорхойлолт /Үүнд: Овог нэр, албан тушаал, ажилласан жил, цалингийн хэмжээ зэргийг тусгана/;
6. Хэрвээ хувийн бизнес эрхэлдэг бол бизнесийн үйл ажиллагаатай холбоотой материалууд /Сүүлийн 1 жилийн харилцах дансны хуулга, хар дэвтэр, тусгай зөвшөөрөл, түрээсийн гэрээ, бизнесийн үйл ажиллагааны зураг, бараа материалын үлдэгдэл гэх мэт/;
7. Худалдан авах барааны үнийн нэхэмжлэх

Бэлтгэн нийлүүлэгчийн бүрдүүлэх материал:

1. Хамтран ажиллах тухай албан хүсэлт;
2. Хуулийн этгээдийн улсын бүртгэлийн гэрчилгээний хуулбар, компанийн дүрмийн хуулбар.
3. Иргэний үнэмлэх, холбогдох бусад бичиг баримтууд.